Mund Art
- Gedankenspü :
- Wenn des Wörtchen wenn ned wär dann...
- Wia kumm i jetzt vom wenn zum Jetzt ?
- Dua so als ob ~ dann ...
- Dua so als ob ! Wann ?...
- JETZT ! ! !
- Gedankenmocht !
--ErnstGruber
- Lese Zeit :
- Ernstl nimm de Zeiln mit da Mamsch.
- Schau genau,dast ned wida de höfte übasiachst !
- Schiab de Blattl zur Seitn,dast bessa sichst wo de Traubn hängan.
- Buck di geh in de Knia streck di schau von olle Seitn.
- Streng di a bissl au.
- Guat haum mas gmocht mmm da Most
- is sias lecker schmecker,ja
- am Land is Lesezeit !
--ErnstGruber
- D Liab is ma eigschossn :
- Wir kennan lochn und wana mitanand singan und bledln.
- Streitn und hossn uns au , umorman uns , streichln uns Stundenlang,
- seng uns a poor tog ned und gfrein uns aufananda.
- Seng das ma ned Vollkommen san und des is uns vollkommen wurscht.
- Wertschätzn und Achten uns , mochn uns Geschenke und strengan uns gemeinsam au.
- Haum vertrauen zuananda und haum vü Spass.
- Haum Lust aufananda und findns sche das ma gemeinsam gengan, ja
- d Liab is uns eigschossn !
--ErnstGruber
- Erdige Gedanken :
- Mittn am Ocka drahts mi ei,
- i foll auft Erdn mia wird ganz Schworz vua de Augn.
- Mei wos gschiacht denn jetzt mit mir,denk i ma.
- A Woikn foid vom Himme
- wird ganz Erdig und formt si zu allen erdenklichen Dingen
- und ~ schlüpft in mi !
- Irgend wer hod ma aufgeholfn i moch de Augen auf und
- siach Dinge, de si zu olle möglichen Sachn formen
- wos i ma nur vuastön kau.
- Jetzt hob i Erdige Gedanken , denk i ma...
--ErnstGruber
- Individuelles Individuum :
- Mei Land is sche,i identifizier mi mit eam.
- Meine Gedanken und Gefühle san klor,i brings zum 3~Dimensionalen Büd meina Außenwöd.
- I bring mi ei , egal wo i bin !
- Mei Umwöd san meine Gedankn und Gefühle~de Außenwöd is wo is daleb,
- egal wo i bin , i form des Geschehen und teils mit andere.
- Erkenn di söba , a schene Herausforderung an des
- Individuelle Individuum
--ErnstGruber
- Manchmal bin i Grenzenlos :
- Do hock i in da Blumanwiesn und schau .
- Nach ana Zeit fangts dann au de Veränderung .
- Dann fliag i mitn Schmetterling umt Wett ,
- summ mit de Bienen , sog danke zum Baum fürn Schottn ,
- hoi ma a Woikn faun Himme und iss wia Zuckerwatte .
- Loch mit da Sun , bin da Regenwurm und da Vogl wos eam grod frißt ,
- hupf ins Bacherl und fliass ins Schworze Meer
- und spü an fliegendn buntn Fisch , ja
- manchmal bin i Grenzenlos !
--ErnstGruber
- Kommentare zu den Texten:
OrdnerMundart OrdnerTexte
|
|